انا كداااااااااااااااااااااااااااااااااااااااااااب

انا كداااااااااب ‏ بقول هنزل ومانزلشى ‏ بقول مجلس مايحكمشى ‏ واقول لأخويا ماتخافشى ‏ أنا جايلك ماتقلقشى ... يصدقني يبص فـ عينى ببشاشة واتابع موته ع الشاشة وانا قاعد فـ إيدى اللاب أنا كدااااااب واشير كل شيئ ع النت ‏ وأكتب برضه كام كومنت ياخدنى حماسي ع الفيس بوك واخويا هناك يموت بالدك واقول اعمل كما الجمهور وأوهم نفسي إنى حضور وانا أصلاً تملى غياب أنا كداااااب وبهتف من بعيد لبعيد وفاكر إن قلبي حديد واقول مشتاق يا تحريري وانا نايم وفـ سريري بصفحة فيس أكون ناشط ولو مرة فـ يوم هاصت تلاقيني فص ملح وداب أنا كدااااااب أنا بنده بأعلى صوت أنا عمرى ما اخاف م الموت ما انا قاعد فـ قلب البيت وماشي جوه جوه الحيط يموت صاحبى قصاد عيني ودمعة أمه تكويني واراجع نفسي وأفكر وفجأة الاقيني بتذكر أنا أصلاً ماليش اصحاب أنا كدااااااب