بحبك يا مصر وبعشق ترابك
وألف المداين وأرجع لبابك
واحس بكياني وكرامتي في رحابك
يقولوا فقيرة
يقولوا أثيرة
بشوفك أميرة
وأحبك يا مصر
بحبك مقالب من أختي
وغتاته من أخويا
ودعوة من أمي تنسيني همي
وحكمة من أبويا
وأحبك صبية
علي البحر جاية تبين جمالها
وترجع تداري
وأحبك مراكب
تعدي اللي راكب لبر الأمان
يدوب جو نيلك ويعطش يجيلك
ويقولك كمان
وأقبلك ببوسة في زفته عروسه
ولمة في بيتنا مع ولاد حارتنا
تدق المزاهر ترد المزامر
تزغرط جارتنا نهلل نغني وحلم التمني ينور ليلتنا
وأحبك زيارة لبيت عم سيد ده أصله فقير مش هيقدر يعيد
نعيد عليه نفرح عنيه ويدعيلنا دعوة بمليون جنيه
في أرضك يحس الغريب إنه مصري واحنا الأجانب
ويلقي الرعاية ويلقي الحماية علي كل جانب
ويمشي في ربوعك ويشبع بجوعك
ويعمل مصايب ويرجع يعايب
وترجعي تسامحي يا ساكنة في ملامحي يا ست الحبايب
ولادك بنوكي بروحهم فدوكي ويشهد عليهم ترابك في سينا
ولاد الذين ولو جار زمانهم يعودوا لمكانهم يلاقوا السكينة وتنسي جحودهم وتبكي عليهم عنيكي الحزينة
في أرضك سرحت فشلت ونجحت صاحبت الحمام ونمت في سلام
ولو علي البلاطه تغير في شكلي
همومي ومشكلي لكن روحي لأ
أعبر بغنوة وأقول نكته حلوة وقلبي المسالم ما يعرف شماته
وأقول بالتلاتة :
بحبك
بحبك
بحبك يا مصر
منقوووول
الإثنين مارس 05, 2012 3:29 pm
